ابن حلال

"مابين عالم الاثرياء وعالم الفقراء تدور احداث المسلسل. ""حبيشه"" شاب صعيدي بريء للغايه يعمل نقاشا يعتمد عليه ""عمارة"" و""شفيق"" فى الشغل فهو ""واد عفى وراضى بقليله"" غير انهم بعد فترة اكتشفوا أن طيبته مفيدة جداً لانهم وهم راجعين من لجنة خبوا الحشيش في جيبه وعدوا من اللجنه من غير مشاكل ومن غير ما يخسروا الحشيش، أما ""نائل"" فسلطة أبوه ونفوذه والفلوس الكتير اللي معاه خلته ما فيش حدود لرغباته يعني لما تعجبه بنت لازم يفوز بيها ولما يزهق منها لازم يسيبها يعنى ماينفعش هي تفكر تسيبه ولما واحدة قررت انها تسيبه فضل يطاردها وقتلهافي يوم قتل البنت كان ""حبيشه"" اتمسك في كمين بحشيش بتاع ""عمارة"" و""شفيق"" اللي طبعاً انكروا انهم يعرفوه أصلا. ولما ""نائل"" راح لابوه قاله اللي حصل ولان ابوه واحد مهم قرر يشوف بديل لـ ""نائل"" يشيل القضيه ومكنش فيه احسن من صبي النقاش اللي شغال في الشقه اللي قدامهم مش متعلم وفقير يعني الدافع موجود والذي صادف انه ممسوك في القسم فعلا. لما قابله الشخص المهم قرر انه يضحك عليه ويشيله القضيه خصوصا لما فهمه انه مصدق انه برئ وان الحشيش ده مش بتاعه وبيخرجه فعلا ويديله فلوس ويطلب منه يردله الخدمه بخدمه تانيه ويطلب منه الاعتراف بجريمة القتل، ويفهمه انه بدل مايسافر كام شهر أو سنة في شغلانه هيقضيهم في السجن وبعدين يخرج براءة زي ما أخرجه قبل كده. ""حبيشه"" بيتعامل بنفس المنطق جوه السجن انه مسافر يشتغليغسل هدوم المساجين، يكنس العنبر ماشي وبقى طرطور السجن بطيبته وابتسامته البلهاء، ولكن القضيه بتتطور و""حبيشه"" معندوش ذرة شك في البراءه لحد ما بيتحكم عليه بالاعدام، وبيفهمه واحد من المساجين انه انضحك عليه وضيع عمره بايده، ولما واحد من المساجين جر شكله كانت النتيجه ان ""حبيشه"" قام عليه طحنه وكان هيموت في ايده من اليوم ده ""حبيشه"" بقى محترم جدا فى السجن وكل المساجين تخاف منه وتخدمه وهو كمان حس أن ايده وعضلاته هي اللي ممكن تجيبله حقه واتحول لرئيس جمهورية السجن. لحد ما استطاع الهروب من السجن وقرر انه ينتقم من كل الناس اللي ظلموه من اول ""عمارة"" و""شفيق"" والراجل المهم حتى امه