راجل وست ستات - عودة رمزي - م٩

عادل سعيد كان عايش حياة عادية مع مراته " رانيا " وبنته " ياسمين " والامور ماشية مظبوط وزى الفل . وفجأة الظـروف اتغيرت اما جت امه " إنعام " اللـي اطقلت من ابـوه واخته الآنسه " سناء " اللي لقاهم جايين يعيشو معـاه في الشقة لأن مبقاش لهم مكان يعيشوا فيـه الا عنـده وبعد كدة جت حماته " مجيـدة " وبنتها الانسـة " نجلاء " اخت رانيا الصغيرة وقعدو هما كمان في الشقة مع عادل عشان هما كمان مبقاش لهم متوى الا شقة عادل واضطر " عادل " انه يستسلم للوضع الجديد وعاش مع الست ستات تحت سقف واحد وكانت دايما الستات في مشاكل مع بعضهم ، وكان كل يوم في خناق وزعيق وحرق دم ، وكان البيت مقسوم لحزبين ، حزب رانيا وامها واختها ، وحزب انعام وسناء وعادل كانت دايما الست الستات في نقير مع بعضهم وكانت الحياة متدربكة فوق راس " عادل " ومفيش يوم بيعدي الا وفيه مشكلة وكان هو بين نارين ، وكان دايما بيحاول يرضي جميع الاطراف على حساب نفسه. عادل كان فاتح بزار وكان شغال معاه ابن عمه الغبي " رمزي " اللي كان دايما حارق دمه بتصرفاته الغريبة وغباءه المنقطع النظير واضطر " عادل " انه يشتغل اي شغلانة بجانب شغله الاساسي " البزار " عشان يقدر على طلبات ومصاريف الست ستات خصوصاً انه الراجل الوحيد اللي في البيت وبقو جميعا ملزومين منه كان بيشتغل اي شغل يجي في طريقه اي شعلانة ! . وكان دايماً بيصيبه الفشل في نهاية كل مشروع ، وفي يوم من الايام ساب " رمزي " عادل وقفل " عادل " البزار وفتح مطعم فول وطعمية يمكن الشغل الجديد يكون فاتحة خير عليه ، وبرضو المطعم مكنش مقضي المصاريف وكان بيشتغل بجانب شغله الاساسي.   وفي يوم من الايام جيه عريس " لنجلاء " .. وكان سواق ميكروباص ، اتجوزت نجلاء " صامولة " سواق الميكروباص وراحت لبيتها وخف الضغط شوية على عادل وخلفت " نجلاء " الطفل " عنتر " وكانت دايماً في مشاكل مع جوزها " صامولة " اللي اخلاقه كانت زي الزفت وكانت كل شوية تطلق منه وترجع بيت " عادل" الى ان تم الطلاق النهائي ورجعت لبيت " عادل " الي غير رجعه لـ " صامولة " .. بس نجلاء مرجعتش لوحدها دي رجعت ساحبه في ايدها ابنها " عنتر " اللي كان شارب من طبع ابوه كتير جدا ورجعت " نجلاء " البيت بمشاكلها مع طليقها بسبب ابنهم " عنتر " اللي محدش من الستات طايقه وفي يوم من الايام رجع " رمزي " لـ " عادل " ومع عودة رمزي رجع عادل لشغله القديم وفتح البزار مرة تانية ، ورجع لوجع الدماغ مع ابنه عمه اللي على طول حارق دمه و كمل عادل رحلة الكفاح.. رحلة " راجل وست ستات " .